ഞാനും എന്റെ സുഹൃത്ത് നിര്മലും ചാറ്റ് മേറ്റ്സ് ആണ്.. എന്നും രാവിലെ എത്തിയാല് ഒരു ഗുഡ് മോര്ണിങ്ങും പിന്നെ ഇച്ചിരി നേരം ചാറ്റലും പതിവാണ്..
ഞങ്ങള് രണ്ടു പേരും സംഗീതത്തോട് കമ്പമുള്ള ആള്ക്കാരായതിനാല് ഇടയ്ക്കിടെ സംസാരം അതിലേക്കും കടക്കാറുണ്ട്.. പഴയ പാട്ടുകളോടാണ് കൂടുതല് ഇഷ്ടം.. അതിലെ കാവ്യാത്മകതയും അര്ത്ഥവത്തായ വരികളും ചര്ച്ച ചെയ്യുന്നത് സ്ഥിരമാണ്.. അങ്ങനെയിരിക്കെ ഒരാഴ്ച മുമ്പ്..
ഞാന്: അളിയോ എന്താ പരിപാടി??
നിര്: സീ ഈ ഓ യുമായി മീറ്റിംഗ് ഉണ്ട്...
ഞാന്: നീ ആളൊരു പുലിയായിപ്പോയല്ലോ...
നിര്: എനിക്കല്ലെടെ.. എന്റെ മുതലാളിക്ക്..
ഞാന്: ഹും.. കൊള്ളാം...
****
****
പെട്ടെന്ന് ഒരു റൊമാന്റിക് മൂഡു തോന്നിയപ്പോള് 'ശംഖു പുഷ്പം' എന്ന പാട്ട് മനസ്സിലേക്ക് വന്നു.. പ്രണയത്തെ ഇതിലും ഭംഗിയായി വര്ണിച്ച മറ്റൊരു പാട്ട് കാണില്ല..
ഞാന്: താമരയിലകളില്.. അരയന്ന പെണ്കൊടി.. കാമ ലേഖനമെഴുതുമ്പോള്.. നീലക്കാടുകള് മലര്മെത്ത വിരിക്കുമ്പോള് നിന്നെക്കുറിച്ചെനിക്കോര്മ വരും .. നിന്നെയല്ല.. കേട്ടാ?
ഇങ്ങനെ നിര്മലിനു അടിച്ചു കൊടുത്തിട്ട് ഞാന് ഇങ്ങനെ അവന്റെ മറുപടിയും കാത്തിരിന്നു... കൊറേ നേരമായിട്ടും ഒന്നും വന്നില്ല.. ഞാന് കരുതി "ശെടാ.. ഇവനെന്താ മറുപടി അയക്കാത്തേ .. തെറ്റിധരിച്ചു കാണോ? "...
അവന് അവിടെ ഉണ്ടോ എന്ന് ചോദിക്കാന് പോയപ്പോള്.. ഞാന് ഇത് വരെ അടിച്ചതോന്നും നിര്മലിന്റെ ചാറ്റ് വിന്ഡോയില് ഇല്ല..
ഞാന് നോക്കുമ്പോ.. ഇതെല്ലാം ഞാന് അടിച്ചത്.. അനില് എന്ന് പേരുള്ള എന്റെ ഓഫീസില് ഉള്ള ഒരു തെലുങ്കന്റെ വിന്ഡോയില് ആണ്.. അടിച്ചു കിട്ടിയോ ഭഗവാനെ...???
പെട്ടെന്ന്
ഞാന് : ഹി അനില്.. സോറി.. റോങ്ങ് വിന്ഡോ..
ഇത് അങ്ങേതുന്നെനു മുമ്പേ...
അനില്: ഹി പ്രമോദ് .. വാട്ട് ഡസ് ദിസ് മീന്??
ഞാന്: നതിംഗ് .. ഇറ്റ് ഈസ് ആന് ഓള്ഡ് സോങ്ങ്..
അനില്: ഓ ക്കെ ...
ഇത് കഴിഞ്ഞു ഉച്ചക്ക് ഞാനും നാരായണനും കൂടെ കഴിച്ചുകൊണ്ടിരിക്കുമ്പോള് ... അവനോടു ഞാന് ഇത് പറഞ്ഞായിരുന്നു.. അവന് ചിരിച്ചു തകര്ത്തോണ്ടിരിക്കുന്നു .. ഉടനെ..
നാരായണന് : ഡേ നിന്റെ ശകുന്തള ദോ വരുന്നു...
ഞാന്: ആര്.. ?? എന്റമ്മേ.. ചുമ്മാ ഇരിയെടെ..
അപ്പോള് പുള്ളി എന്നെ നോക്കി ചിരിച്ചു.. ഞാനും..
അനില്: ഹി പ്രമോദ്.. വാട്ട് ഡസ് ഇറ്റ് മീന്?
ഞാന്: ഐ ടോള്ഡ് യു റൈറ്റ്? ഇറ്റ് ഈസ് ആന് ഓള്ഡ് സോണ്ഗ് മാന്..
അനില്: ഷാള് ഐ ആസ്ക് വിനില് എബൌട്ട് ഇറ്റ്? (വിനില് മറ്റൊരു മലയാളി )..
ഞാന്: ഷുവര്...
ലവന് ചിരിച്ചോണ്ട് പോയി..
നാരായണന്: ഒന്നുകില് ലവന് വിചാരിച്ചേക്കുന്നത് നീ നിന്റെ ലൈന്-ഇന് അടിച്ചതാണ് ലവന് കിട്ടിയേ എന്നാണു.. അല്ലെങ്കില് നിന്റെ കാര്യം പോക്കാ...
ഞാന്: അതെന്തു??
നാരായണന്: അല്ലെങ്കില് ലവന് , അത് നീ ലവന് തന്നെയാ അയചെന്നാ വിചാരിക്കേണ്ടത്.. അങ്ങനെയാണെങ്കില് ലവന്റെ ചിരി എനിക്ക് പിടിച്ചില്ല..
ഇത്രേം പറഞ്ഞു നാരായാണന് അവന്റെ ചിരി തുടങ്ങി.. ഞാന് എന്ത് പറയാന്.. ഉള്ളില് 'എന്റമ്മേ ' എന്നും.. പുറമേ 'പയ്യെ തന്നെ '.. എന്നും പറഞ്ഞു...
aarum comment cheyyaathondu ninakku ente vaka oru comment.. :D
ReplyDelete