ബെന്‍സുവിന് ഇഷ്ടമാണോ അല്ലയോ?

തമാശ ആസ്വദിക്കാന്‍ അറിയാത്ത ആരും ദയവായി ഇത് വായിക്കരുത്..  നമ്മുടെ കഥാനായകനെ ബെന്‍സു എന്ന് വിളിക്കാം.. പുള്ളിക്കാരനെ വര്‍ണിക്കുകയാണെങ്കില്‍ , അദ്ദേഹത്തിന് ഒരു എട്ടടി നീളം ..അല്ല പൊക്കം.. ഈര്‍ക്കില്‍ പോലത്തെ ശരീരം.. കട്ടിതാടി .. ജുബ്ബ.. ആരെടാ ഇവന്‍ എന്ന് നിങ്ങള്‍ വണ്ടര്‍ അടിച്ചോ? എനിക്കത്രേം മതി.. 


ശരിക്കും ഇതിനു ബെന്‍സുവിനു ഇഷ്ടം ആണോ? അതോ പെണ്ണോ? എന്നിടാന്‍ ഉദ്ദേശിച്ചതാ.. പിന്നെ സസ്പെന്‍സ് പോളിക്കണ്ടല്ലോ എന്ന് കരുതി ഇങ്ങനിട്ടു...


ഇത് ആര് തുടങ്ങിയതാണെന്നോ , എങ്ങനെ തുടങ്ങിയതാണെന്നോ എനിക്കറിയില്ല.. പക്ഷെ പൊതുവേ സുഹൃത്തുക്കളുടെ ഇടയില്‍ ഒരു ശ്രുതിയുണ്ടായിരുന്നു , ബെന്‍സുവിനു പെണ്ണുങ്ങളേക്കാള്‍  പ്രിയം ആണുങ്ങളോടാണെന്നു.. അങ്ങനെ ഒരു ദിവസം ഞങ്ങളൊരു പണി പറ്റിച്ചു... ബെന്‍സു കുക്കുവിനെ മുത്തം വെക്കുന്ന ഒരു പടമെടുത്തു മെയിലിലിട്ടു എല്ലാര്‍ക്കും അയച്ചു.. കൂട്ടത്തില്‍ ഞങ്ങടെ വക ഒരു വര്‍ണനയും .. 


ഇത് കിട്ടിയപാടെ ബെന്‍സു ഞങ്ങളെ വിളിച്ചു.. 
ബെന്‍ : ഡാ കോപ്പന്‍മാരേ .. എന്‍റെ ജീവിതം വെച്ചാണോടെ നിന്‍റെയൊക്കെ കളി? ഇനിയെനിക്കൊരു പെണ്ണ്.. ഒരു ജീവിതം.. ഇതൊക്കെ വെറും സ്വപ്നം മാത്രമായില്ലേ.. തകര്‍ത്തില്ലെടാ എല്ലാം..

ഞങ്ങള്‍: അളിയാ.. നീ ചൂടാകാതെ.. ഞങ്ങള്‍ വെറും തമാശക്കയച്ചതല്ലേ.. നിന്നെ ഞങ്ങള്‍ക്കറിയില്ലേ.. നിനക്കിത്രേം സങ്കടമാകുമെന്നു ഞങ്ങള്‍ അറിഞ്ഞില്ലെടാ... നാലാള്‍ അറിയുമ്പോള്‍ ഉള്ള ഞങ്ങടെ സന്തോഷം.. അല്ല.. നിന്‍റെ സങ്കടം ഇത്ര വലുതായിരിക്കുമെന്ന് ഞങ്ങള്‍ അറിഞ്ഞില്ലെടാ.. നീ ഷെമി.. 

ബെന്‍ : ഇതാണോടെ തമാശ.. ഒരാളുടെ ജീവിതം വെച്ച് കളിക്കാന്‍ ആരാടെ നിങ്ങള്ക്ക് അനുവാദം തന്നത്... എന്‍റെ ചങ്കാടാ തകര്‍ന്നത്.. വേണ്ട.. ഇനി നമ്മള്‍ തമ്മില്‍ ഒരു ബന്ധോം ഇല്ല.. 


ഞങ്ങള്‍: അതിനു നമ്മള്‍ തമ്മിലെന്തെരു ബന്ധം?? 


ബെന്‍ : ടാ.. കോപ്പേ.. സുഹൃത്ത് ബന്ധം.. 


ഞങ്ങള്‍: ബെന്‍സൂ.. ഊ...ഊ...ഊ..ഊ....ഊ.. ഞങ്ങളോട് ഇത് വേണോടാ??  


ബെന്‍ : വേണം


ഞങ്ങള്‍: എടാ..പിണക്കം വേണ്ട.. ഒരു കാര്യം ചെയ്യ്.. നീ ഇന്ന് ഇങ്ങു വാ.. നമുക്ക് ഇരുപത്തെട്ടു  കളിക്കാം.. പിന്നെ ഐ പി കര്‍വ് കളിക്കാം.. നീ വാ..


ബെന്‍ : അയ്യോ .. അളിയാ വരാമായിരുന്നു.. പക്ഷെ.. ഇവിടെ ഷാനു ഒറ്റയ്ക്കേ ഉള്ളൂ.. അപ്പൊ പിന്നെ ഞാന്‍ എങ്ങനെ വരും..??

അപ്പുറത്തെ അറ്റത് നിന്നും ഞങ്ങടെ ചിരി ഒച്ചത്തില്‍ കേട്ടപ്പോളാണ് ബെന്‍സുവിനു താന്‍ പറഞ്ഞതിലെ അബദ്ധം മനസ്സിലായത്‌.. 


ടക്ക് .. അവന്‍ ഫോണ്‍ കട്ട്‌ ചെയ്തു..